Արցախի հրաշալի, Արցախաբույր քույր՝ Արմինե Մոսիյան,
Ամբողջ սրտով և սիրով ես ցանկանում եմ հայտնի լինել, որ իմ զորակցությունը, օրհնությունը, գնահատանքը և շնորհակալությունը խորապես ես զգում քեզ նկատմամբ։ Քո այսօրվա, արցախյան ուղղամտությանն ու համարձակությանը հատուկ, գործողությունը, որով դու ուղղակիորեն մերկացրիր չարիքի իրական էությունը, ինձ խորապես տպավորել է։
Աստծո կամոք, ես համոզված եմ, որ թե՛ քո զավակը, և թե՛ մենք բոլորս կվերադառնանք մեր հարազատ և անկրկնելի Տուն-Հայրենիք՝ Արցախը։
Քո այսօրվա պահվածքը և կեցվածքը, ես ցանկանում եմ, դառնան Հայաստանի ազատագրության սկզբի ազդարարումներից մեկը։
Բյուր օրհնություն քեզ, իմ հրաշալի քույր։
Չե՛մ մոռանալու հանուն քեզ, Հայաստան։
Չե՛մ ներելու հանուն քեզ, Արցախ։
Սիրով և աղոթքով՝
Հայրենիքի կալանավոր
Բագրատ արք. Գալստանյան
22.03.2026