Մարտի 29-ին Սուրբ Աննա եկեղեցում Նիկոլ Փաշինյանի հետ միջադեպ ունեցած և 2 ամսով կալանավորված Դավիթ Մինասյանին չեն հասցրել Արմավիր քրեակատարողական հիմնարկ մտցնել։
Իմ հետ զրուցել է Դավիթ Մինասյանի պաշտպանական թիմի անդամներից Վարդուհի Էլբակյանը։ Նրա խոսքով՝ պաշտպանական թիմին տեղեկացրել են, որ Դավիթին տարել են Էջմիածնի բժշկական կենտրոն։ Այս տեղեկությունը պաշտոնապես հայտնել չեն արել։
«Մեզ մի անծանոթ քաղաքացի է տեղեկացրել, որ Դավիթին տարել են Էջմիածնի բժշկական կենտրոն։ Այս մասին պաշտոնապես հայտնել չեն արել։ Ասացին՝ այնտեղ ենք, տեսել ենք»,- ասաց Վարդուհի Էլբակյանը։
Փաստաբանի խոսքով, այս պահին այլ տվյալների չեն տիրապետում, և պաշտպանական թիմը շտապում է Էջմիածնի բժշկական կենտրոն։
Ի դեպ՝ պաշտպանական թիմի ձեռքի տակ է հայտնվել տեսանյութ, որտեղ երևում է, թե ինչպես են Դավիթ Մինասյանին հարվածում և գցում ներքև։ Փաստաբանն ասաց, որ միջնորդելու են՝ որպես ապացույց այն զննել։
Հիշեցնենք, որ մարտի 29-ին Սուրբ Աննա եկեղեցում Փաշինյանի մասնակցությամբ միջադեպ էր եղել։ Միջադեպի առթիվ նախաձեռնվել է քրեական վարույթ՝ Քրեական օրենսգրքի 297-րդ հոդվածի 1-ին մասով (խուլիգանությունը) և 452-րդ հոդվածի 3-րդ մասով (պաշտոնատար անձի օրինական ծառայողական կամ քաղաքական գործունեությանը միջամտելը)։ 3 անձ ձերբակալվել էին՝ դպրոցահասակ եղբայրներ՝ Դավիթ և Միքայել Մինասյանները և Գևորգ Գևորգյանը։ Ինչպես փաստաբաններն են պնդում, իրավապահները փնտրում էին Փաշինյանի քաղաքական գործունեությանը միջամտելուն ուղղված նախագիծ, բայց տանը հայտնաբերել են միայն գրքեր ու պատվոգրեր։