Այսօր՝ մարտի 28-ին, Երևանում տեղի է ունեցել ավտովթար, որի հետևանքով մեկ անձ տեղափոխվել է հիվանդանոց։
Դեպքը տեղի է ունեցել մայրաքաղաքի կենտրոնում՝ Գրիգոր Լուսավորիչ փողոցում, «Ձկան խանութի» խաչմերուկում, որտեղ բախվել են «BMW» և «Nissan» մակնիշի ավտոմեքենաները։
Վթարի հետևանքով տուժած մեկ անձին օգնության են հասել քաղաքացիները, իսկ հետո՝ Երևանի 103-րդ շտապօգնության բժշկական կայանի հերթապահ խումբը, որոնք նրան տեղափոխել են բժշկական հաստատություն։
Դեպքի վայր են ժամանել ՀՀ Ներքին գործերի նախարարության ոստիկանության Պարեկային ծառայության Երևան քաղաքի գնդի պարեկները՝ գնդի հրամանատարի տեղակալ Արսեն Ստեփանյանի, գումարտակի հրամանատար Դավիթ Նիկողոսյանի և վաշտի հրամանատար Արմեն Զաքարյանի գլխավորությամբ։ Պարեկայինները սահմանազատել են վթարի տեղը։
ՀՀ Քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժինը, տեղեկություն ստանալով դեպքի մասին, ժամանել է վայր՝ իր քննչական խմբով։ Քրեական վարույթ է սկսվել, որի շրջանակում պարզվում են ավտոմեքենաների սեփականատերերի, վարորդների և վիրավորի ինքնությունը։
Վթարի հետևանքով «BMW» մակնիշի ավտոմեքենան բախվել է նաև ստորգետնյա անցման բետոնե հենապատին։