«Ալյանս» կուսակցությունը, որը հիմնադրվել է նախկին պատգամավոր Տիգրան Ուրիխանյանի կողմից, հրապարակել է իր նախընտրական ծրագրի հիմնական կետերից մեկը։ Ըստ կուսակցության՝ իրենք պետք է վերականգնեն մահապատիժը Հայաստանում։
Այս քայլը, ինչպես նշվում է կուսակցության կողմից, կկիրառվի պետական դավաճանության, պետական մասշտաբի թալանի և այլ ծանրագույն հանցագործությունների դեպքերում։
«Ալյանս» կուսակցության ծրագրի առանցքային կետերից մեկը իշխանություններին պատասխանատվության ներկայացնելն է։ Տիգրան Ուրիխանյանը հատկապես շեշտում է ֆեյք հեղափոխության, սադրված պատերազմի, Արցախի հանձնման, Հայաստանի տարածքների հանձնման և պետական բյուջեի մեջ 8 միլիարդ դոլարի արտաքին պարտք մտցնելու համար պատասխանատվության կրելու անհրաժեշտությունը։
Հետաքրքրական է, որ չնայած Տիգրան Ուրիխանյանը հակաիշխանական կոչերի համար հետախուզվում է և գտնվում է Հայաստանից դուրս, «Ալյանս» կուսակցությունը շարունակում է ակտիվ գործունեություն ծավալել և պատրաստվում է մասնակցել կանոնավոր ընտրություններին։ Ուրիխանյանին հաջողվել է պահպանել Հայաստանում մշտական բնակության ռեժիմ՝ սովորելով Մոսկվայի բուհերից մեկում, ինչը, ըստ օրենքի, համարվում է հարգելի բացակայություն և չի խանգարում ընտրություններին մասնակցելուն։
Համաժողովին մասնակցում էր նաև հայտնի հեղինակություն Արթուր Ասատրյանը (Դոն Պիպո), ով նույնպես հետախուզվում է հայաստանյան իրավապահների կողմից։