«Հանրապետություն» կուսակցությունը հրապարակել է իր նախընտրական ծրագրի հիմնական դրույթները, որոնք, կուսակցության պնդմամբ, կնպաստեն Հայաստանի վերածվելու «անվտանգ, բարեկեցիկ եւ զարգացող պետության»՝ 2040 թվականին։
Կուսակցության առաջարկած ծրագրի հիմնական կետերն են՝
Կառավարման համակարգի փոփոխություն։ «Հանրապետություն» կուսակցությունը առաջարկում է անցում կատարել խորհրդարանական կառավարման համակարգից՝ դեպի նախագահական։
Արտաքին քաղաքականության կառավարում։ Կառավարության կազմում նախատեսվում է ստեղծել նոր պաշտոն՝ փոխվարչապետ, որի առջեւում կլինեն ԱՄՆ-ի եւ Եվրոպայի հետ հարցերը համակարգող խնդիրներ։
Անվտանգության ապահովում։ Պաշտպանության ոլորտում կուսակցությունը խոստանում է անցում կատարել մարտական հերթապահությունից՝ դեպի օդային եւ ցամաքային նոր տեխնոլոգիաների կիրառում։
Տնտեսական զարգացում։ Ծրագրում նախատեսվում է 10 օրվա ընթացքում գործազրկությունը նվազեցնել մինչեւ 3 տոկոսի մակարդակ։
Ռեսուրսների օգտագործում։ Կուսակցությունը պլանավորում է իրականացնել հանքային հարստությունների ռացիոնալ օգտագործում, ինչպես նաեւ ՌԴ կապիտալի կրճատում եւ ազգայնացում։
Ռազմարդյունաբերական համալիր։ Ծրագրի համաձայն՝ պետությունը կապահովի ռազմարդյունաբերական համալիրի աջակցությունը։
Տեխնոլոգիական զարգացում։ «Հանրապետություն» կուսակցությունը նախատեսում է AT ընկերություններին տրամադրել բացառիկ հարկային դրախտ։
Էներգետիկ անվտանգություն։ Օգոստոսի 8-ի համաձայնագրի հիման վրա կառուցվելու են ամերիկյան մոդուլային կայաններ, իսկ ֆրանսիական տեխնոլոգիաների կիրառությամբ՝ ատոմակայան։
Ջրային ռեսուրսների կառավարում։ Կառավարությունը պետք է ապահովի 5 մլրդ խորանարդ մետր ջրի ամբարումը եւ կառավարումը։