Այսօրվա միջադեպի հետևանքով ՆԳՆ ոստիկանության ծառայողները ձերբակալել են երեք անձի։ Նրանք կասկածվում են խուլիգանության և պաշտոնատար անձի՝ Նիկոլ Փաշինյանի, օրինական ծառայողական և քաղաքական գործունեությանը միջամտելու մեջ։
Ձերբակալված անձինք և կազմված փաստաթղթերը փոխանցվել են Քննչական կոմիտե։ Այս մասին ինձ տեղեկացրեց ՆԳՆ խոսնակ Նարեկ Սարգսյանը։
Նախապես ՆԳՆ-ն հայտնել էր երկու անձի ձերբակալման մասին։ Ձերբակալվածներից մեկը փորձել է հարվածել Նիկոլ Փաշինյանին՝ Սուրբ Աննա եկեղեցում տեղի ունեցած միջադեպի ժամանակ։