ՀՀ վարչապետ Նիկոլ Փաշինյանը սոցցանցերում հրապարակել է տեսանյութ, որում անդրադարձել է որոշակի մարդկանց վարքագիծին՝ կապված հանրային քննադատության հետ։
Վարչապետը նշել է, որ «ուժեղ տղերքը» չեն մտնում ուղիղ եթեր՝ հաղորդակցվելու համար, քանի որ սարսափում են, որ «քննիչը» կարող է «ջղայնանա» և «ականջները քաշի»։ Նա նաև հավելել է․ «Իրականում քննիչը թույլ է տվել։ Մի՛ վախեցեք, մտեք ուղիղ եթեր, քննիչը չի ջղայնանա, չի ծեծի։ Էդ դուք ուրիշ տեղ եք տեսել, ուրիշ տեղ են ձեզ ծեծել, էստեղ չեն ծեծի»։
Փաշինյանը նաև հեգնանքով է արձագանքել այն պնդումներին, թե որոշ մարդիկ իրենց ուժը ցուցադրելու համար պատրաստվում են։ «Քիչ է մնում մուսկուլ ցույց տան, ասեն՝ մենք ուժեղ ենք։ Ծիծաղելի են»,- ասել է նա։
Այս հայտարարությունը հանրության մեջ արժանացել է լայն արձագանքի և դարձել քաղաքական քննարկումների թեմա։