ՀՀ ՆԳՆ ոստիկանության Պարեկային ծառայության պետ, ոստիկապետի տեղակալ Գևորգ Զաքարյանը հրահանգներ է ուղարկել ծառայության բոլոր ստորաբաժիններին՝ ավտոմեքենաների կայանման կանոնների խախտումները, հատկապես հետիոտնի անցման վայրերում կայանված ավտոմեքենաները, ոչ միայն հայտնաբերելու, այլև վարչական պատասխանատվության ենթարկելու։ Այս հրահանգը տրվել է ՀՀ ՆԳ նախարար Արփինե Սարգսյանի և ՀՀ ՆԳՆ ոստիկանության պետ, ՆԳ նախարարի տեղակալ Կամո Ցուցուլյանի կողմից։
Այս հրահանգի իրագործման շրջանակում Գեղարքունիքի մարզում իրականացվել է հատուկ օպերացիա, որը կրում էր «Հետիոտնի անցման գիծը ձեզ համար դուքյան չէ» անվանումը։ Գեղարքունիքի մարզի պարեկային ծառայության գումարտակի պարեկները՝ գումարտակի հրամանատար Աղասի Խաչատրյանի, գումարտակի հրամանատարի տեղակալ Իգոր Ղազարյանի և գումարտակի ծառայության ավագ տեսուչ Ներսիկ Գրիգորյանի ղեկավարությամբ, հսկողություն են իրականացրել մարզի տարբեր հատվածներում։
Օպերացիայի ընթացքում Գավառ քաղաքի կենտրոնական հրապարակում, եկեղեցու հարևանությամբ, հայտնաբերվել է «Mercedes G» մակնիշի և «80 QB 880» համարանիշով ավտոմեքենա, որի վարորդը կայանել էր իր մեքենան հետիոտնի համար նախատեսված անցման վայրում՝ խոչընդոտելով քաղաքացիների անվտանգ տեղաշարժը։ Վարորդը պարեկների կողմից ենթարկվել է վարչական պատասխանատվության։
Այս միջոցառումը ցույց է տալիս Պարեկային ծառայության կողմից կանոնների պահպանման և քաղաքացիների անվտանգության ապահովման նկատմամբ վերահսկողության ամրապնդումը։