Վարչապետ Նիկոլ Փաշինյանը հայտարարել է, որ Քոչարյանի, Կարապետյանի և Ծառուկյանի ղեկավարած ուժերի կողմից Հայաստանի և Ադրբեջանի միջև հաստատված խաղաղությունը վերանայելու քաղաքականությունը միանշանակ պատերազմի դուռը բացելու ճանապարհով է։
«Այս օրերին այդ ուժերը խոսում են Հայաստանի և Ադրբեջանի միջև հաստատված խաղաղությունը վերաբանակցելու և պարտադրելու, այդ թվում՝ ուժային եղանակով պարտադրելու մասին։ Սա միանշանակ և աներկբա նշանակում է՝ ոչ միայն դուռը բացել պատերազմի համար, այլև անխուսափելի դարձնել։ Եթե նույնիսկ գնանք ամենալավատեսական կանխատեսումով, վերաբացել հաստատված խաղաղությունը նշանակում է վերափոխելու հնարավորություն ստեղծել այն ամբողջ բովանդակությունը, որը մենք բանակցային պրոցեսի արդյունքում ի վերջո ֆիքսել ենք»,- ասել է վարչապետը։
Նրա խոսքով՝ նման քաղաքականությունը ոչ միայն վերաբանակցման հնարավորություն է ստեղծում, այլև վերափոխելու հնարավորություն՝ փոխելով բանակցային պրոցեսի արդյունքներով ստորագրված բոլոր պայմանները։