«Ուժեղ Հայաստան» քաղաքական ուժի կողմից ընտրվելուց հետո, թեև օրենքով պաշտոնապես առաջադրվելու հնարավորություն չունենալով, Սամվել Կարապետյանը, որի անունը շուրջ իրեն է կենտրոնացած շարժումը դե ֆակտո ղեկավարում է, իր թիմի հետ մշակել է մանրամասն ծրագիր՝ իրեն վարչապետի պաշտոնի հասցնելու համար։
Այս քայլի հիմքում ընկած է հանրության կողմից ստեղծված ակնկալիքը։ Շարժումը, որը ստեղծվել է Սամվել Կարապետյանի անձի շուրջ, հանրության մեծ մասի համար իշխանափոխության գլխավոր դեմքն է։ Քանի որ նրա երկքաղաքացի լինելը նրան թույլ չի տալիս պաշտոնապես առաջադրվել, թիմը որոշել է այս փուլում դե յուրե թեկնածուի դերում ներկայացնել նրա եղբորորդուն՝ Նարեկ Կարապետյանին։
Ըստ տեղեկությունների՝ ընտրություններում հաղթելուց հետո առաջին քայլը կլինի Սահմանադրության 148-րդ հոդվածի փոփոխությունը։ Այս հոդվածը սահմանում է, որ կառավարության անդամին, ինչպես և պատգամավորին, ներկայացվում են նույն պահանջները։ Կարևոր է նշել, որ 202-րդ հոդվածում չի նշվում, որ 148-րդ հոդվածը կարող է փոխվել միայն հանրաքվեով։ Այսպիսով, այն կարող է փոխել նաև Ազգային Ժողովը՝ պատգամավորների 2/3-ի ձայների մեծամասնությամբ։
Այս փոփոխությունից հետո Սամվել Կարապետյանը կկարողանա զբաղեցնել վարչապետի պաշտոնը՝ իր եղբորորդու կողմից առաջադրվելուց հետո։
Հիշեցնենք, որ երեկ կայացավ «Ուժեղ Հայաստան» կուսակցության հիմնադիր համագումարը, որտեղ նախագահ ընտրվեց Սամվել Կարապետյանը։ Այսօր, Մարզահամերգայինում կայանալիք պրեզենտացիայի ժամանակ կհայտարարվի վարչապետի իրենց թեկնածուի անունը։