Անցյալ շաբաթվա ընթացքում իշխանական շրջանակները, իրար հերթ չտալով, հրապարակային քարոզչական արշավ են սկսել՝ հայտարարելով, որ ընդդիմադիր ուժերը «Գյումրի 2» սցենարի իրականացման նպատակ ունեն։
Հիշեցնենք, որ մեկ տարի առաջ Գյումրիում տեղական ընտրություններից հետո ընդդիմադիր կուսակցությունները համատեղ ջանքերով հասցրին, որ «Քաղաքացիական պայմանագիր» կուսակցությունը չկարողանա իշխանություն ձեռք բերել։ Այս իրադարձությունը, որը համարվում էր ընդդիմադիր ուժերի կոնսոլիդացիայի հաջողված օրինակ, այժմ իշխանությունների կողմից ներկայացվում է որպես բացասական երևույթ։
Այս քարոզչության հիմնական թիրախը գործարար Սամվել Կարապետյանի գլխավորած ուժն է, որը դիրքավորվել է որպես նախկին իշխանությունների և ներկայիս իշխանությունների միջև գտնվող կերպար։ Ըստ իշխանությունների, Սամվել Կարապետյանը ունի բոլոր հնարավորությունները՝ իր շուրջ համախմբել ընդդիմադիր ուժերին և իշխանությունը վերցնել։
«Գյումրի 2»-ի մասին հաճախակի խոսելը, թերևս, իշխանությունների կողմից փորձ է հանրության մոտ կարծիք ստեղծելու, թե Սամվել Կարապետյանը նույնպես պատկանում է նախկին իշխանական շրջանակներին և չի տարբերվում Ռոբերտ Քոչարյանի կամ Սերժ Սարգսյանի կերպարից։
Իրականում, այս հակաքարոզչության ամենաճշգրիտ մեկնաբանությունը այն է, որ իշխանությունը սարսափում է այս սցենարից։ Եթե իշխանությունները չէին վախենում, նրանք չէին զբաղվի անդադար հակաքարոզչությամբ։