Հայաստանը որոշել է չընդունել Ռուսաստանի կողմից Լեռնային Ղարաբաղից բռնի տեղահանված բնակչության համար նախատեսված մարդասիրական աջակցությունը։ Այս մասին հայտնում են Երևանից ստացված դիվանագիտական աղբյուրները։
Պաշտոնական Երևանը հրաժարվել է ռուսական մարդասիրական աջակցությունից, որը նախատեսված էր Ղարաբաղից տեղահանված բնակչության համար։
Ավելի վաղ հայտնի էր դարձել, որ մարդասիրական ակցիայի շրջանակներում օգնություն է ստացել ընդհանուր առմամբ 7000 արցախցի։
Հիշեցնենք, որ Լեռնային Ղարաբաղից տեղահանվածներին աջակցող մարդասիրական ակցիան իրականացվում էր «Եվրասիա» ՀԿ–ի կողմից՝ «Ռուսաստանի մարդասիրական առաքելություն» ՀԿ–ի հետ համատեղ, «Ռոսսոտրուդնիչեստվոյի» աջակցությամբ։
ՀՀ ներքին գործերի նախարարության միգրացիայի և քաղաքացիության ծառայության տվյալներով՝ 2023 թվականի սեպտեմբերից հետո Արցախից բռնի տեղահանվել է 115 365 մարդ։