Այսօր՝ մարտի 29-ին, Երևանի Նուբարաշեն վարչական շրջանից դեպի Արարատի և Կոտայքի մարզեր տանող ճանապարհի վրա, որտեղ կատարվում են հիմանանորոգման աշխատանքներ, տեղի է ունեցել խմելու ջրի խողովակի վթար։ Խողովակից ջուրը տոննաներով հոսում է ձորով։
Ինչպես տեղում հայտնում է ֆոտոլրագրող Գագիկ Շամշյանը, բնակիչները, ովքեր հրաժարվեցին տեսախցիկի առաջ խոսել, իրենց զայրույթն ուղղում էին «Վեոլիա ջուր» ընկերության և Նուբարաշենի վարչական շրջանի ղեկավար Անդրանիկ Գասպարյանի հասցեին։
Բնակիչների խոսքով՝ վթարը նկատվել է առավոտյան, և անմիջապես հետո նրանք բազմիցս զանգահարել են «Վեոլիա ջուր» ընկերությանը։ Սկզբում նրանք խոստացել են գալ և վերացնել խոտանը, սակայն 7 ժամ անց, երբ տեսան, որ աշխատանքներն իրականացվել են, նորից զանգահարելով, ստացել են այլ պատասխան՝ «դա մեր գործը չէ»։ Ընկերության ներկայացուցիչը նրանց խորհուրդ է տվել դիմել քաղաքապետարան և թաղապետարան։
Բնակիչները նշում են, որ նման բարձիթող վիճակ 21-րդ դարում տեսնելը զարմանալի է։ Նրանք պահանջում են պատասխանատուներին, ում կարելի է անվանել «մազոխիստ», զրկել ջրամատակարարման իրավունքից և պարտավորեցնել փոխհատուցել ջրի կորստի հետևանքով առաջացած վնասը։ Նրանք նաև հույս ունեն, որ Երևանի քաղաքապետ Տիգրան Ավինյանը և ՀՀ հանրային ծառայությունները կարգավորող հանձնաժողովի նախագահ Մեսրոպ Մեսրոպյանը կարող են ազդել «Վեոլիա ջուր» ընկերության վրա և պարտավորեցնել այն շատ արագ վերացնել վթարը։