Երևանի քաղաքապետարանի գործակարգավարական խորհրդակցության ընթացքում ես հայտարարեցի, որ վերջին շաբաթվա ընթացքում հանրային տրանսպորտից օգտվողների վալիդացիայի քանակը աճել է 15-30%-ով։ Սա, իմ կարծիքով, ցույց է տալիս, որ այս գործընթացը, որքան էլ դժվարին է, որով անցնում ենք, կարևոր է և անհրաժեշտ։
Այս հաջողության համար ես շնորհակալություն եմ հայտնել վարորդներին՝ իրենց առանց այն էլ ծանր աշխատանքը հաշվի առնելով՝ այս կարևոր վերահսկողական ֆունկցիան իրականացնելու համար։
Խորհրդակցության ընթացքում անդրադարձ է արվել նաև վարորդների նկատմամբ մի քանի միջադեպերի։ Մեկ կոնկրետ դեպք, որը վերածվել է կռվի և հարձակման վարորդի վրա, ցավոք սրտի։ Դեպքի հետ կապված երեք անձ ձերբակալվել է, իսկ չորրորդը նույնպես անցնում է քրեական գործով։
Ես ուզում եմ հստակեցնել, որ վարորդների նկատմամբ ոտնձգությունը նրանց անձի նկատմամբ չէ, այլ քաղաքի, ամբողջ համակարգի նկատմամբ։ Իրականում, վճարող քաղաքացիները չվճարող քաղաքացիներին որպես բեռ են տանում «իրենց վզին»։
Այս իրավիճակը չի կարող շարունակվել։ Չպետք է հանդուրժենք, որ չվճարող, անպատասխանատու քաղաքացի հորդուբորդ գա։ Ամոթից գետինը մտնելու փոխարեն մի հատ էլ ելույթ են ունենում։ Հերիք եղավ, բոլ եղավ, վերջին Iphone-ներն օգտագործում եք, բայց տրանսպորտի համար չեք վճարում։ Այս վերաբերմունքը անընդունելի է և պետք է դադարեցվի։