Հունվարի 13-ին ՀՀ Պաշտպանության նախարար Սուրեն Պապիկյանը հրապարակային հայտարարություն արեց՝ կոչ անելով խնդիրը համարել ազգային անվտանգության մակարդակի։ Նա նշեց, որ իր որոշմամբ ազատել է աշխատանքից Պաշտպանության նախարարության համակարգում գտնվող բոլոր այն ծնողներին, որոնք ունեն այլ երկրի քաղաքացի զավակներ։
Այս իրադարձությունների ֆոնին ուսումնասիրվեց իշխող «Քաղաքացիական պայմանագիր» կուսակցության վարչության 20 հոգանոց կազմը։ Ուսումնասիրության արդյունքում պարզվեց, որ վարչության 20 անդամներից 5-ը կանայք են, իսկ 15 տղամարդկանցից 8-ը չեն անցել պարտադիր զինվորական ծառայություն։
Այս հանգամանքը ստեղծում է պարադոքսային իրավիճակ։ Իշխանության քաղաքական վերնախավը, որը պետք է ծառայի որպես օրինակ, խնդիրներ է առաջացնում պատասխանատվության և ազգային անվտանգության հարցերում, քանի որ նրա մեծ մասը զինվորական ծառայության փորձառություն չունի։
Այս պարագայում, Սուրեն Պապիկյանի կողմից իր ենթականերին ազատելուց հետո, առաջանում է նոր հարց․ արդյո՞ք պետք է նաև պարտադրի հրաժարականներ ներկայացնել «Քաղաքացիական պայմանագիր» կուսակցության վերնախավին՝ հայրենիքի հանդեպ անպատասխանատու պահվածք դրսևորելու և զինվորական ծառայությունից խուսափելու համար։