Հայաստանի գլխավոր դատախազությունը Հակակոռուպցիոն քաղաքացիական դատարան է ներկայացրել հայց՝ պահանջելով բռնագանձել մոտ 4,5 միլիոն դրամ «Վերածնվող Հայաստան» կուսակցության անդամ, Տաթև համայնքի նախկին ղեկավար Մուրադ Սիմոնյանից։
Մուրադ Սիմոնյանը 13 տարի՝ մինչեւ 2021 թվականը, զբաղեցրել է համայնքապետի պաշտոնը։ Դատախազության կողմից իրականացված ուսումնասիրության արդյունքում պարզվել է, որ նախկին համայնքապետը «համայնքի օրինական շահերին վնաս է հասցրել» իր ղեկավարման տարիներին։
Հարցված երբեմնի համայնքապետը հայտնում է, որ տեղյակ չէ այս նոր հայցի մասին։ Նրա խոսքով՝ իր դեմ նախկինում հարուցվել էր քրեական գործ, որը մինչեւ Վճռաբեկ դատարան է հասել, եւ նա արդարացվել է։ Նա նաեւ նշում է, որ ներկայումս պասիվ է եւ չի մասնակցում քաղաքական գործընթացների։
Հայցի հարուցման պատճառը հստակ չէ, քանի որ այն կատարվում է այն պահին, երբ Մուրադ Սիմոնյանը չի համարվում ընդդիմադիր քաղաքական գործիչ։