Հանդիպումների ընթացքում ես ընդգծել եմ, որ մեր ամենամեծ ուժը հենց մարդիկ են։ Կոտայքի մարզում, Նոր Գյուղում, Կապուտանում և այլ համայնքներում հայրենակիցների հետ հանդիպելիս ես տեսնում եմ նույն ջերմությունը, նույն անկեղծությունը և հավատը։
Մարդիկ խոսում են իրենց առօրյա խնդիրների մասին, սակայն միևնույն ժամանակ հայտնում են վստահություն, որ իրավիճակը հնարավոր է փոխել։ «Հատիս» նախագիծը նոր շունչ է տվել այս տարածաշրջանին՝ ստեղծելով աշխատատեղեր և զարգացման նոր հեռանկարներ։
Բնակիչներն իրենք են փաստում, որ արդեն իսկ տեսանելի է դրական շարժ՝ հողերի նկատմամբ աճող հետաքրքրությունից մինչև տնտեսական ակտիվության աշխուժացում։ Մենք ունենք կարող ու տաղանդավոր երիտասարդություն, և մեր պարտքն է ստեղծել պայմաններ, որպեսզի նրանք իրենց ապագան տեսնեն հենց այստեղ։ Սա մեր երկիրն է, և մենք ենք այն փոխելու։ Միասին՝ քայլ առ քայլ, կառուցելու ենք արժանապատիվ ու բարգավաճ Հայաստան։
Այս հայտարարությունը ես կից հրապարակել եմ տեսանյութի հետ, որը փոխանցում է այս մտքի էությունը։