Այսօր՝ մարտի 16-ին, Երևանի Մալաթիա-Սեբաստիա վարչական շրջանում տեղի ունեցած հորդառատ անձրևի և սելավատարերի խցանման հետևանքով Բաբաջանյան փողոցում առաջացել է արհեստական լճակ։ Ջուրը հասել է մինչև Շիրակի փողոցի և Իսակովի պողոտայի կամրջի տակ գտնվող երթևեկելի հատվածները։
Այս իրադարձության հետևանքով մեծ թվով վարորդներ կորցրել են իրենց ավտոմեքենաների համարանիշները։ Որոշները հաջողվել է գտնել, մինչդեռ մյուսները սպասում են Երևանի քաղաքապետարանի և «Վեոլիա ջուր» ընկերության ներկայացուցիչներին՝ ջուրը իջեցնելու համար։
Տեղում միայն ՀՀ ՆԳՆ ոստիկանության Պարեկային ծառայության 3-րդ գումարտակի պարեկները հասել են օգնության։ Նրանք քաղաքացիական և պարեկների հետ համատեղ ջրով լցված հատվածից դուրս են բերել 30-ից ավելի ավտոմեքենա և հայտնաբերել 20-ից ավելի համարանիշ։
Վարորդները դժգոհ են այս իրավիճակից՝ նշելով, որ այն պարբերաբար կրկնվում է, և որ այս խնդրի լուծման համար դեռևս համապարփակ միջոցներ չեն ձեռնարկվել։