Այսօր, ապրիլի 26-ին, Պարոնյան-Լեո խաչմերուկը հավաքվել են բազմաթիվ քաղաքացիներ՝ հարգանքի տուրք մատուցելու 4 տարի առաջ այստեղ տեղի ունեցած ողբերգության զոհի՝ Սոնա Մնացականյանի հիշատակին։ Նա մահացել է 31 շաբաթվա հղիություն ունենալով՝ վարչապետ Նիկոլ Փաշինյանին ուղեկցող մեքենայի վրաերթից հետո։
Սոնա Մնացականյանի դեպքը հայտնի դարձավ 2021 թվականի ապրիլի 26-ին, երբ նրա վրաերթի գործով Առաջին ատյանի դատարանը մեղավոր է ճանաչել վարչապետի ավտոմոբիլը վարող Արամ Նավասարդյանին։ Նրան դատապարտել են ազատազրկման՝ 1 տարի 6 ամիս ժամկետով, ինչպես նաև զրկել են ավտոմոբիլ վարելու իրավունքից։ Պատժին հաշվակցվել է նրա արգելանքի տակ գտնված ժամանակահատվածը, և վերջնական պատիժը նշանակվել է 1 տարի 5 ամիս 26 օրը։
Գործով տուժող կողմը՝ Սոնա Մնացականյանի հայրը և նրա ներկայացուցիչ Րաֆֆի Ասլանյանը, դատարանին միջնորդել էին դատապարտել վարորդին 4 տարվա ազատազրկում։ Իսկ մեղադրող կողմը՝ 2 տարի 6 ամիս։ Դատավճռից դժգոհ են թե՛ տուժող կողմը, թե՛ պաշտպանները։ Սոնա Մնացականյանի հայրը շարունակում է պահանջել առավել խիստ պատիժ, իսկ պաշտպան Ռուբեն Բալոյանը համոզված է, որ Արամ Նավասարդյանն անմեղ է և պետք է արդարացվի։
Երկու կողմն էլ դատական ակտը բողոքարկել են Վերաքննիչ դատարան։ Րաֆֆի Ասլանյանը հայտնում է, որ Վերաքննիչ դատարանում արդեն 5 նիստ է անցկացվել, և որոշումը սպասվում է մայիսի 18-ին։